ReSource fagnar því framtaki hjá Veitum að leggja meiri áherslu á umhverfismál þegar valdir eru verktakar á vegum fyrirtækisins. Veitur munu setja aukin skilyrði í útboðslýsingar í þeim tilgangi að fá verktaka til að huga frekar að umhverfismálum og aðgerðum til að minnka kolefnisspor. Umhverfisþættir sem leiða af sér minna kolefnisspor framkvæmda geta vegið allt að 20% þegar tilboð eru metin. Í útboðum Veitna fá verktakar stig fyrir ákveðna umhverfisþætti sem skilgreindir eru fyrir hvert verkefni. Markmiðið með þessu er að fækka kolefnissporum á vegum Veitna og um leið verktaka á þeirra vegum. Veitur hafa sett það markmið í umhverfisstefnu fyritækisins að fyrirtækið verði kolefnishlutlaust árið 2030.
Hér má sjá frétt um þetta á heimasíðu Veitna: Veitur meta lægra kolefnisspor verktaka í útboðum
ReSource hefur mikla reynslu í að reikna út kolefnisspor fyrirtækja og veitir fyrirtækjum ráðgjöf í að halda utan um sína losun og draga úr þeirra sótspori.